Tengiliðir

Á stofnfundi félagsins var upplýst, að í undirbúningsnefnd þess hefðu starfað þau Magnús M. Halldórsson, Kristín Ísleifsdóttir og Tryggvi Edwald. Ef lesendur þessara bloggfærslna vilja hafa samband við þessa stjórn félagsins, í upplýsingaleit eða hverju því sem félaginu viðvíkur, er hægt að senda tölvupóst á amk. Magnús ( [e-mail] ) og/eða Tryggva ( [e-mail] ), eða Kristínu.

Nafn félagsins - útskýringar

Fura (松, matsu) er vinsæl trjátegund sem er algeng bæði í Japan og á Íslandi.

Orðið 松樹の会（Shouju No Kai ）kemur úr setningunni 松樹千年翠（Shouuju sen-nen no midori）sem er í Zen-ritinu „Zenrin kushu“ – „Gegentuiku“ :
「松樹千年翠、不入時人意。」
（松樹千年の翠、時の人の意に入らず。）とある。
Shouju sen-nen no midori, toki no hito no i ni irazu.

Þetta merkir að hinir björtu litir vorblóma, bjartur grænn litur nýrra laufa á sumrin, og rauðu og gulu litir haustlaufanna. Fólk tekur sjaldan eftir hinur græna lit furunnar (matsu) vegan þessara ástríðufullu lita hinna ýmsu árstíða. En, þegar kaldir vindar blása, og kyrrlátir og einmanalegir tímar koma, þá minnir hin látlausa fegurð grænnar furu á hógværa návist hennar.
Ráðningin er sú að ekki má missa sjónar af varanlegum sannindum tilverunnar með því að einblína aðeins á tímabundna hluti í hverfulum heimi.

春は花、夏は新緑、秋は紅葉と感覚的な美しさに押されて、
松の翠が人の目をひくことは少ないが、

寒風吹きすさぶ蕭条の候ともなれば、
今まで目立たなかった松の翠のの美しさが、
改めて見直されることになる。

うつろいやすい世の中の、
うつろうもののみに目を奪われて、
常住不変の真理を見失うようなことがあってはならない。

Félag Japansmenntaðra stofnað - lög félagsins

Félag Japansmenntaðra á Íslandi var stofnað Föstudaginn 14 Mars, eins og til stóð.

Tilgangur félagsins er í sem stystu máli að stuðla að eflingu tengsla milli þeirra fjölmörgu íslendinga, og annarra sem búa hér á landi, sem hafa stundað formlegt nám við japanska menntastofnun í lengri eða skemmri tíma. Sjá nánar um þetta í lögum hins nýstofnaða félags, sem birtast hér að neðan.

Lög félagsins

1 gr. Heiti félagsins er Shouju-no-kai – Félag Japansmenntaðra á Íslandi.Enskt heiti félagsins er Shouju-no-kai – Japan Alumni Association of Iceland. Merki félagsins er táknið fyrir furu (matsu).

2 gr. Heimili félagsins og varnarþing er í Reykjavík.

3 gr. Tilgangur félagsins er að auka tengsl Japans og Íslands með áherslu á menntun, m.a. með því:

A. að styðja væntanlega nemendur með kynningum og leiðbeiningum um nám í Japan.

B. að auka hlut Japana í námi á Íslandi og auðvelda slík nemendaskipti.

C. að efla samstarf og kynni meðal aðila með reynslu af menntun í Japan.

D. að virkja reynslu fólks af menntun í Japan.

E. að gera fólki kleift að gefa af sér til baka með miðlun af sinni reynslu.

4.gr. Félagar geta orðið allir þeir sem búsettir eru á Íslandi og stundað hafa skipulagt nám á vegum japanskra menntastofnana. Þar með taldir eru styrkþegar frá japanska ríkinu, skiptinemar á vegum íslenskra eða alþjóðlegra stofnana eða samtaka, og þeir sem kennt hafa við japanskar menntastofnanir.

5.gr. Félagið heldur aðalfund einu sinni ári þar sem stjórn félagsins er kosin. Í stjórn eru formaður og tveir meðstjórnendur.

  

Stofnað Félag Japansmenntaðra á Íslandi

Föstudaginn 14 Mars 2008 verður formlega stofnað félag fólks sem hefur stundað nám við japanska menntastofnun um lengri eða skemmri tíma. Félagið mun heita "Shouju-no-Kai" uppá japönsku, og er svipað félögum japans-"alumni" í öðrum löndum. Félagið hefur þann tilgang að auka og greiða fyrir tengslum þeirra sem hafa reynslu af skólastofnunum Japana, og vera tengiliður fyrir þá sem æskja upplýsinga um nám við japanskar stofnanir, annarsvegar, og japani sem vilja koma hingað. Félagið hefur samið sér lög, sem lýsa tilgangi félagsins, og er þau að finna hér á síðunni. Nánar verður greint frá stofnun félagsins, þegar hún er afstaðin.

 

Skrár tengdar þessari bloggfærslu:

• pinetree4.jpg